ನ್ಯೂಸ್ ಆ್ಯರೋ : ಗ್ರಾಮೀಣ ಭಾರತದ ನಿವಾಸಿಗಳಿಗೆ ಭಾರತೀಯ ಅಂಚೆಯು ಹಣವನ್ನು ಉಳಿಸಲು ಪ್ರಮುಖ ಸಾಧನವಾಗಿದೆ. ಏಕೆಂದರೆ ಸರ್ಕಾರದ ಬೆಂಬಲಿತ ಅಂಚೆ ಇಲಾಖೆಯು ಈ ನಿಟ್ಟಿನಲ್ಲಿ ಅನೇಕ ಯೋಜನೆಗಳನ್ನು ತಂದಿದೆ. ದೇಶದಲ್ಲಿ ಅಭಿವೃದ್ಧಿ ಆಗದ ಪ್ರದೇಶಗಳಲ್ಲಿನ ಜನರ ಅವಶ್ಯಕತೆಗಳನ್ನು ಪೂರೈಸಲು ಇಂಡಿಯಾ ಪೋಸ್ಟ್ನಿಂದ ಉತ್ತಮ ಆದಾಯವನ್ನು ನೀಡುವ ಅನೇಕ ಅಪಾಯ-ಮುಕ್ತ ಉಳಿತಾಯ ಯೋಜನೆಗಳನ್ನು ಜಾರಿಗೆ ತರಲಾಗಿದೆ. ಆ ಮೂಲಕ ಅವರ ಭವಿಷ್ಯವನ್ನು ರಕ್ಷಿಸುತ್ತದೆ. ಅಂಚೆ ಕಚೇರಿಯು ಗ್ರಾಮೀಣ ಅಂಚೆ ಜೀವ ವಿಮಾ ಯೋಜನೆಗಳ ಕಾರ್ಯಕ್ರಮದ ಅಡಿಯಲ್ಲಿ ಹಲವಾರು ಯೋಜನೆಗಳನ್ನು ಪ್ರಾರಂಭಿಸಿದ್ದು, ಆ ಪೈಕಿ ಅತ್ಯಂತ ಜನಪ್ರಿಯವಾದದ್ದು ಗ್ರಾಮ ಸುರಕ್ಷಾ ಯೋಜನೆಯಾಗಿದೆ.
ಈ ಯೋಜನೆಯಡಿಯಲ್ಲಿ ಪಾಲಿಸಿದಾರರು 55, 58 ಅಥವಾ 60 ವರ್ಷಗಳವರೆಗೆ ಕಡಿಮೆ ಪ್ರೀಮಿಯಂಗಳನ್ನು ಪಾವತಿಸುವ ಮೂಲಕ ಗರಿಷ್ಠ ಪ್ರಯೋಜನಗಳನ್ನು ಪಡೆಯಬಹುದು. ಇಂಡಿಯಾ ಪೋಸ್ಟ್ ತಂದಿರುವ ಪೋಸ್ಟ್ ಆಫೀಸ್ ಗ್ರಾಮ ಸುರಕ್ಷಾ ಯೋಜನೆಯ ಪ್ರಮುಖ ಗುಣಲಕ್ಷಣಗಳೇನು?, ಪ್ರಯೋಜನಗಳೇನು? ಮತ್ತು ಅರ್ಹತೆಗಳೇನು? ಇಲ್ಲಿದೆ ಸಂಪೂರ್ಣ ಮಾಹಿತಿ.
ವಯೋಮಿತಿ?
ಈ ಯೋಜನೆಯನ್ನು ತೆರೆಯಲು ಗರಿಷ್ಠ ವಯಸ್ಸು 19 ರಿಂದ 55 ವರ್ಷಗಳ ನಡುವೆ ಇರಬೇಕಿದ್ದು, ಕನಿಷ್ಠ ವಿಮಾ ಮೊತ್ತ ರೂ.10,000, ಗರಿಷ್ಠ ರೂ.10 ಲಕ್ಷ ರೂ. ಗಳನ್ನು ನಿಗದಿ ಪಡಿಸಲಾಗಿದೆ.
ನಾಲ್ಕು ವರ್ಷಗಳ ನಂತರ ಸಾಲ ಸೌಲಭ್ಯ
ಪಾಲಿಸಿದಾರರು ನಾಲ್ಕು ವರ್ಷಗಳ ನಂತರ ಸಾಲ ಸೌಲಭ್ಯ ಪಡೆಯಲಿದ್ದು, ಪಾಲಿಸಿದಾರರಿಗೆ ಮೂರು ವರ್ಷಗಳ ನಂತರ ಯೋಜನೆ ಹಣವನ್ನು ಹಿಂಪಡೆಯಬಹುದು. 5 ವರ್ಷಗಳ ಮುಂಗಡವಾಗಿಯೇ ಖಾತೆಯನ್ನು ಕ್ಲೋಸ್ ಮಾಡಿದ್ದರೆ ಈ ಯೋಜನೆಯ ಬೋನಸ್‌ಗೆ ಅರ್ಹವಾಗಿರುವುದಿಲ್ಲ. ಹಾಗೇ ಪ್ರೀಮಿಯಂ ಪಾವತಿಯನ್ನು ನಿಲ್ಲಿಸಿದ ದಿನಾಂಕದಿಂದ ಅಥವಾ ಮುಕ್ತಾಯದ ದಿನಾಂಕದಿಂದ ಒಂದು ವರ್ಷದೊಳಗೆ ಎಂಡೋಮೆಂಟ್ ಅಶ್ಯೂರೆನ್ಸ್‌ಗೆ ಪರಿವರ್ತಿಸಲಾಗುವುದಿಲ್ಲ, ವಿಮೆದಾರನು 59 ವರ್ಷಗಳ ವಯಸ್ಸಿನವರೆಗೆ ಎಂಡೋಮೆಂಟ್ ಅಶ್ಯೂರೆನ್ಸ್ ಪಾಲಿಸಿಗೆ ಪರಿವರ್ತಿಸಬಹುದಾಗಿದ್ದು, ಪಾಲಿಸಿಯ ಸರೆಂಡರ್‌ನಲ್ಲಿ ಕಡಿಮೆಯಾದ ವಿಮಾ ಮೊತ್ತದ ಮೇಲೆ ಅನುಪಾತದ ಬೋನಸ್ ಅನ್ನು ಪಾವತಿಸಲಾಗುತ್ತದೆ.
ಪ್ರತಿದಿನ 50 ರೂ. ಪಾವತಿ
ಪ್ರತಿದಿನ ರೂ.50 ಪಾವತಿಸಿ, ರೂ.35 ಲಕ್ಷ ವಾಪಸ್ ಪಡೆಯಿರಿ ಎಂಬುದು ಅಂಚೆ ಕಚೇರಿ ಗ್ರಾಮ ಸುರಕ್ಷಾ ಯೋಜನೆಯ ಘೋಷಣೆಯಾಗಿದೆ. ಗ್ರಾಮ ಸುರಕ್ಷಾ ಯೋಜನೆಯಡಿ, ಪಾಲಿಸಿದಾರರು ಪ್ರತಿದಿನ ಕೇವಲ ರೂ.50 ಠೇವಣಿ ಮಾಡುವ ಮೂಲಕ ರೂ.35 ಲಕ್ಷದವರೆಗೆ ಆದಾಯವನ್ನು ಪಡೆಯಬಹುದು. ವ್ಯಕ್ತಿಯು ಪ್ರತಿ ತಿಂಗಳು ಪಾಲಿಸಿಯಡಿಯಲ್ಲಿ 1,515 ರೂ.ಗಳನ್ನು ಹೂಡಿಕೆ ಮಾಡಿದರೆ, ಅಂದರೆ ಬಹುತೇಕ ಪ್ರತಿದಿನ 50 ರೂ., ಪಾಲಿಸಿಯು 10 ಲಕ್ಷ ರೂ. ಆದರೆ ಮೆಚ್ಯೂರಿಟಿಯ ನಂತರ ವ್ಯಕ್ತಿಯು ರೂ.34.60 ಲಕ್ಷಗಳನ್ನು ಪಡೆಯುತ್ತಾರೆ. ಹೂಡಿಕೆದಾರರು 55 ವರ್ಷಗಳಿಗೆ ರೂ.31,60,000, 58 ವರ್ಷಗಳಿಗೆ ರೂ.33,40,000 ಮತ್ತು 60 ವರ್ಷಗಳಿಗೆ ರೂ.34.60 ಲಕ್ಷದ ಮೆಚುರಿಟಿ ಲಾಭವನ್ನು ಪಡೆಯುತ್ತಾರೆ.
ಗ್ರಾಮೀಣ ಅಂಚೆ ಜೀವ ವಿಮೆ ಎಂದರೇನು?
ಗ್ರಾಮೀಣ ಅಂಚೆ ಜೀವ ವಿಮೆ (RPLI) ಅನ್ನು 1995 ರಲ್ಲಿ ಭಾರತದ ಗ್ರಾಮೀಣ ಜನರಿಗೆ ಪರಿಚಯಿಸಲಾಯಿತು. ಇಂಡಿಯಾ ಪೋಸ್ಟ್ ವೆಬ್‌ಸೈಟ್‌ನಲ್ಲಿ ಗ್ರಾಮೀಣ ಜನರಿಗೆ ವಿಮೆ ಒದಗಿಸುವುದು ಈ ಯೋಜನೆಯ ಮುಖ್ಯ ಉದ್ದೇಶವಾಗಿದೆ. ವಿಶೇಷವಾಗಿ ಗ್ರಾಮೀಣ ಪ್ರದೇಶದ ದುರ್ಬಲ ವರ್ಗಗಳು ಮತ್ತು ಮಹಿಳಾ ಕಾರ್ಮಿಕರಿಗೆ ಅನುಕೂಲವಾಗುವಂತೆ. ಗ್ರಾಮೀಣ ಜನರಲ್ಲಿ ವಿಮೆ ಬಗ್ಗೆ ಅರಿವು ಮೂಡಿಸುವುದು ಈ ಯೋಜನೆಯ ಮುಖ್ಯ ಉದ್ದೇಶ.
News Arrowಸಮಗ್ರ ವಿವರಣೆ, ನೈಜ ಸುದ್ದಿ ಹಾಗೂ ವರ್ತಮಾನ ವಿದ್ಯಮಾನಗಳ ನೇರ ಹಾಗೂ ನಿಷ್ಠುರ ವಿಶ್ಲೇಷಣೆ ನೀಡುವ ವರದಿಗಾರರನ್ನೊಳಗೊಂಡ ತಂಡ ನ್ಯೂಸ್ ಆ್ಯರೋ.ಇನ್. ಸ್ಥಳೀಯ ವಿಷಯಗಳು ಅಥವಾ ಕಾರ್ಯಕ್ರಮಗಳ ವಸ್ತುನಿಷ್ಠ ವರದಿಯ ಜೊತೆಗೆ ರಾಷ್ಟ್ರೀಯ, ಅಂತರಾಷ್ಟ್ರೀಯ ಹಾಗೂ ರಾಜ್ಯದ ಯಾವುದೇ ಸುದ್ದಿಗಳನ್ನು ಓದುಗ ಮಿತ್ರರಿಗೆ ಯಥಾವತ್ತಾಗಿ ತಲುಪಿಸುವ ವಿಭಿನ್ನ ಪ್ರಯತ್ನ ನಮ್ಮದು..
