ನ್ಯೂಸ್ ಆ್ಯರೋ : ಮುದ್ದು ಮುದ್ದಾಗಿ ಮಾತನಾಡುತ್ತಾ ಕನ್ನಡ ಚಿತ್ರರಂಗಕ್ಕೆ ಬಾಲನಟಿಯಾಗಿ ಕಾಲಿಟ್ಟ ಬೇಬಿ ಶಾಮಿಲಿ ಚಂದನವನದ ಸುಂದರ ಚೆಲುವೆ. ಏಕಕಾಲಕ್ಕೆ ಮೂರು ಭಾಷೆಗಳಲ್ಲಿ ಮಿಂಚುತ್ತಾ ಸ್ಟಾರ್ ನಟಿಯರಿಗಿಂತ ಹೆಚ್ಚು ಸಂಭಾವನೆ ಪಡೆದ ಹೆಗ್ಗಳಿಕೆ ಈ ನಟಿಯದ್ದು. ಬೇಬಿ ಶಾಮಿಲಿಯ ಚಿತ್ರ ನೋಡುತ್ತಿದ್ದ ಮಂದಿ ಅದೆಷ್ಟೋ… ಅಬ್ಬಾ, ಒಂದು ಕಾಲದಲ್ಲಿ ಈ ನಟಿ ಎಲ್ಲ ಚಿತ್ರ ರಸಿಕರನ್ನೂ ಮೋಡಿ ಮಾಡಿ, ಹಿಡಿದಿಟ್ಟುಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಳು.
ಆಕೆ ಅಭಿನಯಕ್ಕೆ ಬೋಲ್ಡ್‌ ಆಗದವರೇ ಇರಲಿಲ್ಲ. ಚೆಲುವು ಒಂದೇ ಅಲ್ಲ, ಅಭಿನಯವೂ ಎಂಥವರನ್ನಾದರೂ ಮಂತ್ರ ಮುಗ್ಧರನ್ನಾಗಿಸುತ್ತಿತ್ತು. ಬಾಲ್ಯದಲ್ಲಿಯೇ ಇಷ್ಟು ಪ್ರತಿಭೆ ಪ್ರದರ್ಶಿಸಿದ ನಟಿ ಬಗ್ಗೆ ಸಹಜವಾಗಿಯೇ ಚಿತ್ರ ರಸಿಕರು ದೊಡ್ಡವಳಾದ ಮೇಲೂ ದೊಡ್ಡ ಕಲಾವಿದೆ ಆಗುತ್ತಾಳೆಂಬ ನಂಬಿಕೆ ಇಟ್ಟುಕೊಂಡಿದ್ದರು. ಆದರೆ, ಎಲ್ಲವೂ ಉಲ್ಟಾ ಹೊಡೆಯಿತು. ಯಾವು ಚಿತ್ರವೂ ಈಕೆ ಕೈ ಹಿಡಿಯಲಿಲ್ಲ. ಒಂದು ಕಾಲದಲ್ಲಿ ಸ್ಟಾರ್ ನಟರಿಗಿಂತಲೂ ಹೆಚ್ಚು ಸಂಭಾವನೆ ಪಡೆಯುತ್ತಿದ್ದ ಬಾಲ ಪ್ರತಿಭೆ ದೊಡ್ಡ ಹೀರೋಯಿನ್ ಆಗಲೇ ಇಲ್ಲ.
ಮಣಿರತ್ನಂ ನಿರ್ದೇಶನದ ಅಂಜಲಿ ಚಿತ್ರದಲ್ಲಿ ವಿಕಲಚೇತನ ಪಾತ್ರಕ್ಕೆ ತಮ್ಮ ಎರಡನೇ ವಯಸ್ಸಿಗೆ ಅತ್ಯತ್ತಮ ನಟಿ ಪ್ರಶಸ್ತಿ ಪಡೆದುಕೊಂಡಿದ್ದ, ಮಲಯಾಳಂ ಚಿತ್ರಗಳಿಗೆ ಕೇರಳ ರಾಜ್ಯ ಪ್ರಶಸ್ತಿ ಗಿಟ್ಟಿಸಿಕೊಂಡಿದ್ದ ಶಾಮಿಲಿ ಹೇಳ ಹೆಸರಿಲ್ಲದಂತಾಗಿದ್ದಾರೆ.
ಹೀಗೆ ಒಂದು ಕಾಲದಲ್ಲಿ ಬಾಲನಟಿಯಾಗಿ ಎಲ್ಲರ ಹೃದಯ ಗೆದ್ದಿದ್ದ ಬೇಬಿ ಶ್ಯಾಮಿಲಿ ಈಗ ಏನು ಮಾಡುತ್ತಿದ್ದಾರೆ ಎಂಬ ಸಂಶಯ ಹಲವರಿಗೆ ಇದ್ದು, ಸದ್ಯ ಅವರು ಹೇಗಿದ್ದಾರೆ? ಏನು ಮಾಡುತ್ತಿದ್ದಾರೆ ಎಂಬ ಪ್ರಶ್ನೆ ಕಾಡುತ್ತಿದೆ. ಅದಕ್ಕೆ ಉತ್ತರ ಇಲ್ಲಿದೆ.
ಜುಲೈ 10, 1987 ರಂದು ಹುಟ್ಟಿದ ಕ್ಯೂಟ್ ಬೆಡಗಿ ಹುಟ್ಟಿದ ಬೇಬಿ ಶ್ಯಾಮಿಲಿ ಈಗ 33 ವರ್ಷ. ಇವರ ತಂದೆ ಬಾಬು ಹಾಗೂ ತಾಯಿ ಆಲಿಸ್. ಮುದ್ದಾದ ಕುಟುಂಬದ ಸದಸ್ಯರೂ ಶ್ಯಾಮಿಲಿ ಅವರ ಸಿನಿಮಾ ಜರ್ನಿಗೆ ಬೆನ್ನೆಲುಬಾಗಿ ನಿಂತಿದ್ದರು. ಬೇಬಿ ಶಾಮಿಲಿ ಅವರು 1989 ಅಲ್ಲಿ ತಮ್ಮ ಸಿನಿಮಾ ಜರ್ನಿ ಯನ್ನು ಪ್ರಾರಂಭಿಸಿ ಸುಮಾರು 50 ಕ್ಕೂ ಹೆಚ್ಚು ದಕ್ಷಿಣ ಭಾರತದ ಸಿನೆಮಾಗಳಲ್ಲಿ ನಟಿಸಿದ್ದಾರೆ.
ಮೂಲತಃ ಕೇರಳದವರಾಗಿರುವ ನಟಿ ಶಾಮಿಲಿ ಕೇರಳದಲ್ಲಿ ಹುಟ್ಟಿ ಬೆಳೆದು ನಂತರ ಚೆನ್ನೈ ನಲ್ಲಿ ತಮ್ಮ ಸಿನಿಮಾ ಜರ್ನಿ ಶುರು ಮಾಡಿದರು. ಆದರೆ ಬೇಬಿ ಶಾಮಿಲಿ ದೊಡ್ಡವಳಾಗುತ್ತಾ ವಿದ್ಯಾಭ್ಯಾಸದ ಕಡೆ ಹೆಚ್ಚಿನ ಗಮನ ನೀಡಿದರು. ನಂತರ ಟಾಲಿವುಡ್‌ ‘ಓಯ್’ ಚಿತ್ರದ ಮೂಲಕ ಬಣ್ಣದ ಲೋಕಕ್ಕೆ ರೀ ಎಂಟ್ರಿಯೂ ಕೊಟ್ಟಿದ್ದರು. ಆದರೆ, ಜಯಲಕ್ಷ್ಮಿ ಇವರಿಗೆ ಒಲಿಯಲೇ ಇಲ್ಲ. ಸಿನಿಮಾಗಳ ಆಫರ್‌ಗಳು ಇವರ ಹತ್ತಿರ ಸುಳಿಯಲೂ ಇಲ್ಲ.
ನಾಟಿ ಆ್ಯಂಡ್ ಬ್ಯೂಟಿ ಬೇಬಿ ಶಾಮಿಲಿಗೆ ಈ ಹಿಂದೆ ಸ್ಯಾಂಡಲ್‌ವುಡ್‌ನಲ್ಲಿ ಶಿವರಾಜ್‌ಕುಮಾರ್‌ ಜೊತೆ ಅಭಿನಯಿಸುವ ಅವಕಾಶವೂ ಒಲಿದು ಬಂದಿತ್ತು. ಆದರೆ ಕಾರಣಾಂತರಗಳಿಂದ ಅದನ್ನು ತಿರಸ್ಕರಿಸಿದ್ದರು. ಈ ಕಾರಣಕ್ಕೋ, ಕನ್ನಡ ಚಿತ್ರರಂಗವೂ ಇವರ ಕೈ ಹಿಡೀಲಿಲ್ಲ. ಅಷ್ಟೇ ಅಲ್ಲದೆ ಶೂಟಿಂಗ್ ಸೆಟ್‌ಗೆ ತಡವಾಗಿ ಬರುತ್ತಾರೆ. ಪಾತ್ರಕ್ಕಿರುವ ಡಿಮ್ಯಾಂಡ್‌ ಅರ್ಥ ಮಾಡಿಕೊಳ್ಳುವುದಿಲ್ಲ. ಅವರೊಟ್ಟಿಗೆ ಸಿನಿಮಾ ಮಾಡುವುದು ಕಷ್ಟ ಎಂದು ಪರ ಭಾಷಾ ನಿರ್ದೇಶಕರ ಆರೋಪವೂ ಶಾಮಿಲಿಗೆ ಮುಳ್ಳಾಯಿತು.
ಒಟ್ಟಿನಲ್ಲಿ ಬಾಲ್ಯದಲ್ಲಿಯೇ ಸಿಕ್ಕ ಫೇಮ್, ಶಾಮಿಲಿಗೆ ಸಿಂಪ್ಲಿಸಿಟಿ ಹಾಗೂ ಬದ್ಧತೆಯಿಂದ ದೂರು ಉಳಿಯುವಂತೆ ಮಾಡಿದವು ಎನಿಸುತ್ತೆ. ಸೌಂದರ್ಯ ಹಾಗೂ ಪ್ರತಿಭೆ ಇದ್ದರೂ ನಿರೀಕ್ಷಿಸಿದಷ್ಟು ಯಶಸ್ಸು ಗಳಿಸುವಲ್ಲಿ ಶಾಮಿಲಿ ವಿಫಲವಾಗಿದ್ದಂತೂ ಸುಳ್ಳಲ್ಲ. ಸದ್ಯ ಇಂದಿಗೂ ಏಕಾಂಗಿಯೇ ಜೀವನ ನಡೆಸುತ್ತಿರುವ ಬೇಬಿ ಶಾಮಿಲಿ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ಆ್ಯಕ್ಟೀವ್ ಆಗಿದ್ದಾರೆ.
ಇನ್ನೂ ಕನ್ನಡದ ಮೊದಲ ಚಿತ್ರವಾದ ಮತ್ತೆ ಹಾಡಿತು ಕೋಗಿಲೆ ಎಂಬ ಚಿತ್ರದ ಮೂಲಕ ಕರ್ನಾಟಕ ಸ್ಟೇಟ್ ಫಿಲಂ ಅವಾರ್ಡ್ ಆಫ್ ಬೆಸ್ಟ್ ಚೈಲ್ಡ್ ಆರ್ಟಿಸ್ಟ್ ಅವಾರ್ಡ್ ಬಂದಿದ್ದು, ಕನ್ನಡದಲ್ಲಿ ಭೈರವಿ, ಶ್ವೇತಾಗ್ನಿ, ಪೊಲೀಸ್ ಲಾಕ್ ಅಪ್ , ಕಾದಂಬರಿ, ದಾಕ್ಷಾಯಿಣಿ, ಚಿನ್ನ ನೀ ನಗುತಿರು, ಕರುಳಿನ ಕುಡಿ ಹೀಗೆ ಇನ್ನೂ ಹಲವು ಚಿತ್ರಗಳಲ್ಲಿ ನಟಿಸಿದ್ದಾರೆ.
