ನ್ಯೂಸ್ ಆ್ಯರೋ : ಬ್ಯಾಂಕ್ ಆಫ್ ಬರೋಡಾವು ಇದೀಗ ನೇಮಕ ಅಧಿಸೂಚನೆಯೊಂದನ್ನು ಬಿಡುಗಡೆ ಮಾಡಿದ್ದು, ವಿವಿಧ ವಿಭಾಗಗಳಲ್ಲಿ ಒಟ್ಟು72 ಸ್ಪೆಷಲಿಸ್ಟ್‌ ಆಫೀಸರ್ ಹುದ್ದೆಗಳ ಭರ್ತಿಗೆ ಅರ್ಜಿ ಆಹ್ವಾನಿಸಿದೆ. ಈ ಹುದ್ದೆಗಳಲ್ಲಿ ಆಸಕ್ತಿ ಇರುವವರು ಅಕ್ಟೋಬರ್ 11, 2022 ರೊಳಗೆ ಆನ್‌ಲೈನ್‌ ಮೂಲಕ ಅರ್ಜಿ ಸಲ್ಲಿಸಬಹುದು.
ಹಾಗಿದ್ದರೆ ಅರ್ಜಿ ಸಲ್ಲಿಗೆ ಹೇಗೆ ? ವಿದ್ಯಾರ್ಹತೆ ಏನು.? ನಿಯಮಗಳೇನು .? ಸೇರಿದಂತೆ ಎಂಬಿತ್ಯಾದಿ ಮಾಹಿತಿ ಇಲ್ಲಿದೆ.
ಈ ಹುದ್ದೆಗಳಿಗೆ ನಡೆಯಲಿದೆ ನೇಮಕಾತಿ ಡಿಜಿಟಲ್ ಬ್ಯುಸಿನೆಸ್, ಬ್ಯುಸಿನೆಸ್ ಮ್ಯಾನೇಜರ್, ಲೀಡ್ ಅನಾಲಿಸ್ಟ್‌, ಸ್ಪೆಷಲಿಸ್ಟ್‌, ಡಾಟಾ ಇಂಜಿನಿಯರ್, ಕ್ರಿಯೇಟಿವ್ ಇಂಜಿನಿಯರ್, ಪ್ರಾಡಕ್ಟ್‌ ಮ್ಯಾನೇಜರ್ ಸೇರಿದಂತೆ ಒಟ್ಟು 72 ಹುದ್ದೆಗಳ ನೇಮಕಾತಿಗೆ ಅಧಿಸೂಚನೆ ಹೊರಡಿಸಿದ್ದು, ಡಿಜಿಟಲ್ ಬ್ಯುಸಿನೆಸ್ ಗ್ರೂಪ್ ( ಚಾನೆಲ್ಸ್‌ ಮತ್ತು ಪೇಮೆಂಟ್ಸ್‌) ವಿಭಾಗದಲ್ಲಿ 26, ಡಿಜಿಟಲ್ ಬ್ಯುಸಿನೆಸ್ ಗ್ರೂಪ್ ( ಪಾರ್ಟ್ನರ್‌ಶಿಪ್ ಮತ್ತು ಇನ್ನೋವೇಷನ್) ವಿಭಾಗದಲ್ಲಿ 20, ಡಿಜಿಟಲ್ ಆಪರೇಷನ್ಸ್ ಗ್ರೂಪ್ ವಿಭಾಗದಲ್ಲಿ 10, ಡಿಜಿಟಲ್ ಪ್ಲಾಟ್‌ ಫಾರ್ಮ್‌ ಮತ್ತು ಪ್ರಾಡಕ್ಟ್‌ ಗ್ರೂಪ್ ವಿಭಾಗದಲ್ಲಿ 01 ಹುದ್ದೆಗಳು ಖಾಲಿ ಇವೆ.
ವಿದ್ಯಾರ್ಹತೆ ಮೇಲ್ಕಂಡ ಹುದ್ದೆಗಳಿಗೆ ಅರ್ಜಿ ಸಲ್ಲಿಸಲು ಬಯಸುವ ಅಭ್ಯರ್ಥಿಗಳು ಪದವಿ / ಬಿಇ / ಬಿ.ಟೆಕ್ / ಬಿಎಸ್ಸಿ ಪದವೀಧರರು ಅರ್ಜಿ ಸಲ್ಲಿಸಬಹುದಾಗಿದ್ದು, ಎಂಬಿಎ ಮಾಡಿದವರೂ ಸಹ ಅರ್ಜಿ ಹಾಕಬಹುದು.
ವಯೋಮಿತಿ ಅರ್ಜಿ ಸಲ್ಲಿಸಲು ಕನಿಷ್ಠ 25 ವರ್ಷ ಆಗಿರಬೇಕು. ಗರಿಷ್ಠ 42 ವರ್ಷ ವಯಸ್ಸು ಮೀರಿರಬಾರದು.
ಈಗಾಗಗಲೇ ಅರ್ಜಿ ಸಲ್ಲಿಕೆ ಪ್ರಕ್ರಿಯೆ ಆರಂಭವಾಗಿದ್ದು, ಅರ್ಜಿ ಸಲ್ಲಿಸಲು ಅ.11 ಕೊನೆ ದಿನಾಂಕವಾಗಿದೆ. ಅರ್ಜಿ ಸಲ್ಲಿಸಲು ನೇರವಾಗಿ ಕೆಳಗೆ ನೀಡಲಾದ ಲಿಂಕ್ ಗೆ ಭೇಟಿ ನೀಡಿ.
News Arrowಸಮಗ್ರ ವಿವರಣೆ, ನೈಜ ಸುದ್ದಿ ಹಾಗೂ ವರ್ತಮಾನ ವಿದ್ಯಮಾನಗಳ ನೇರ ಹಾಗೂ ನಿಷ್ಠುರ ವಿಶ್ಲೇಷಣೆ ನೀಡುವ ವರದಿಗಾರರನ್ನೊಳಗೊಂಡ ತಂಡ ನ್ಯೂಸ್ ಆ್ಯರೋ.ಇನ್. ಸ್ಥಳೀಯ ವಿಷಯಗಳು ಅಥವಾ ಕಾರ್ಯಕ್ರಮಗಳ ವಸ್ತುನಿಷ್ಠ ವರದಿಯ ಜೊತೆಗೆ ರಾಷ್ಟ್ರೀಯ, ಅಂತರಾಷ್ಟ್ರೀಯ ಹಾಗೂ ರಾಜ್ಯದ ಯಾವುದೇ ಸುದ್ದಿಗಳನ್ನು ಓದುಗ ಮಿತ್ರರಿಗೆ ಯಥಾವತ್ತಾಗಿ ತಲುಪಿಸುವ ವಿಭಿನ್ನ ಪ್ರಯತ್ನ ನಮ್ಮದು..
