ಉಡುಪಿ‌ : ಬಲೆಗೆ ಬಿದ್ದ 50 ಕೆಜಿ ಗಾತ್ರದ ನೂರಾರು ತೊರಕೆ ಮೀನುಗಳು‌ – ಮೀನುಗಾರರ ಸ್ವರ್ಗವಾದ ಕಾಪು ಮಲಾರ್ ಕಡಲ ತೀರ

ನ್ಯೂಸ್ ಆ್ಯರೋ‌ : ಉಡುಪಿ ಕಡಲ ತೀರದಲ್ಲಿ ಮೀನಿನ ಸುಗ್ಗಿಯಾಗಿದ್ದು, ಮೀನುಗಾರರ ಬಲೆಗೆ ನೂರಾರು ತೊರಕೆ ಮೀನುಗಳು ಬಿದ್ದಿವೆ.

ಕಾಪು ಮಲಾರ್ ಕಡಲ ತೀರದಲ್ಲಿ ದೊಡ್ಡ ದೊಡ್ಡ ತೊರಕೆಗಳು ಬಲೆಗೆ ಬಿದ್ದಿದ್ದು, 50 ಕೆಜಿಯಷ್ಟು ಗಾತ್ರದ ನೂರಾರು ತೊರಕೆ ಮೀನುಗಳನ್ನು ನೋಡಲು ನೂರಾರು ಮಂದಿ ಸೇರಿದ್ದರು.

ದೊಡ್ಡ ಬಡಿಗೆಯಲ್ಲಿ ಮೀನನ್ನು ಕಟ್ಟಿ ಮೀನುಗಾರರು ಮೇಲೆ ಸಾಗಿಸಿದ್ದು, ತೊರಕೆ ಮೀನಿಗೆ ಕೆಜಿಗೆ 250 ರಿಂದ 300 ರಷ್ಟು ಬೇಡಿಕೆ ಇದೆ.

ಇತ್ತೀಚಿನ ದಿನಗಳಲ್ಲಿ ಕಡಲಿನಲ್ಲಿ ಹೇರಳವಾಗಿ ವಿವಿಧ ಮೀನುಗಳು ಸಿಗುತ್ತಿದ್ದು, ಉಡುಪಿ ಜಿಲ್ಲೆಯ ಕಾಪು ತಾಲೂಕಿನ ಮಲಾರ್ ಕಡಲ ತೀರ ಮೀನುಗಾರರ ಸ್ವರ್ಗವಾಗಿ ಪರಿಣಮಿಸುತ್ತಿದೆ.