ನ್ಯೂಸ್ ಆ್ಯರೋ : ಜಗತ್ತಿನ ಪ್ರತಿಯೊಂದು ಆಗು ಹೋಗುಗಳನ್ನು ತಿಳಿಯಲು ಗೂಗಲ್ ಮಾಡಿ ಹುಡುಕುವುದು ಸರ್ವೇ ಸಾಮಾನ್ಯ. ನಮಗೆ ಅಗತ್ಯವಿರುವ ಮಾಹಿತಿಯನ್ನು ಕೊಡುವಲ್ಲಿ ಗೂಗಲ್ ಕಾರ್ಯನಿರ್ವಹಿಸುತ್ತದೆ ಮತ್ತು ತಕ್ಷಣದಲ್ಲೇ ಮಾಹಿತಿಯನ್ನು ತೋರಿಸುತ್ತದೆ. ಆದರೆ ಜನರು ಈಗ ಇದನ್ನು ಹಳೆಯ ತಂತ್ರಜ್ಞಾನ ಎಂದು ಕರೆದಿರುವುದು ಆಶ್ಚರ್ಯಕರ ವಿಷಯ.
ವಾಸ್ತವವಾಗಿ, ಚಾಟ್‌ಜಿಪಿಟಿ ಹೆಸರಿನ ಸಾಫ್ಟ್‌ವೇರ್‌ನ ಚರ್ಚೆಯು ಮಾರುಕಟ್ಟೆಯಲ್ಲಿ ತೀವ್ರಗೊಂಡಿದೆ ಮತ್ತು ಜನರು ಅದನ್ನು ಗೂಗಲ್‌ಗಿಂತ ಉತ್ತಮವಾಗಿದೆ ಎಂಬ ಅಭಿಪ್ರಾಯ ವ್ಯಕ್ತಪಡಿಸುತ್ತಿದ್ದಾರೆ. ಈ ಹೊಸ ಸಾಫ್ಟ್‌ವೇರ್‌ನಿಂದಾಗಿ, ಗೂಗಲ್‌ನ ಮೇಲೆ ಅಪಾಯದ ಕಾರ್ಮೋಡಗಳು ಸುಳಿದಾಡುತ್ತಿವೆ ಎಂದು ತಜ್ಞರು ಹೇಳುತ್ತಿದ್ದಾರೆ. ಈ ಸಾಫ್ಟ್ವೇರ್ ಕೃತಕ ಬುದ್ಧಿಮತ್ತೆಯನ್ನು ಉಪಯೋಗಿಸಿ ಕಾರ್ಯನಿರ್ವಹಿಸುತ್ತದೆ ಮತ್ತು ಜನರ ಪ್ರಶ್ನೆಗಳಿಗೆ ಉತ್ತರಿಸುತ್ತದೆ.
ChatGPT ಎಂದರೇನು:
ಜನರೇಟಿವ್ ಪ್ರಿ ಟ್ರೈನ್ ಸಾಫ್ಟ್ವೇರ್ ಅಂದರೆ AI ಸಾಫ್ಟ್ವೇರ್ ಮತ್ತು ಜನರ ಪ್ರಶ್ನೆಗಳಿಗೆ ಉತ್ತರಿಸುತ್ತದೆ. ಈ ಸಾಫ್ಟ್ವೇರ್ ನಿಮ್ಮ ಪ್ರಶ್ನೆಗಳಿಗೆ ಮನುಷ್ಯನಂತೆ ಚಿಂತನಶೀಲವಾಗಿ ಉತ್ತರಿಸುತ್ತದೆ ಮತ್ತು ಮನುಷ್ಯ ಪ್ರತಿಕ್ರಿಯಿಸಿದಂತೆ ಆಗುತ್ತದೆ. ಇದೀಗ ಈ ಸಾಫ್ಟ್ವೇರ್ ಬಗ್ಗೆ ಭಾರೀ ಕುತೂಹಲ ಮೂಡಿದೆ.
ಬೇಕಾಗಿರುವ ಉತ್ತರವನ್ನು ಮಾತ್ರ ನೀಡುತ್ತದೆ ಈ ಸಾಫ್ಟ್ ವೇರ್. ಚಾಟ್ GPT ಬಳಕೆದಾರರ ಪ್ರಶ್ನೆಗಳಿಗೆ ಉತ್ತರಿಸುತ್ತದೆ. ಆದರೆ ಇದು ಯಾಂತ್ರಿಕ ಉತ್ತರವಾಗಿರುವುದಿಲ್ಲ. ಗೂಗಲ್‌ನಲ್ಲಿ ಹುಡುಕಾಡಿದಾಗ ನೀವು ಕೆಲವು ಉತ್ತರಗಳನ್ನು ಪಡೆಯುತ್ತೀರಿ. ಅವುಗಳಲ್ಲಿ ಕೆಲವು ನಿಮಗೆ ಉಪಯುಕ್ತವಾಗಿರುತ್ತವೆ ಮತ್ತು ಕೆಲವು ಯಾವುದೇ ಪ್ರಯೋಜನವಿರುವುದಿಲ್ಲ. ಆದರೆ ಹೊಸ ಸಾಫ್ಟ್ವೇರ್ ನಿಂದ ಅಂತಹ ಸಮಸ್ಯೆ ಸಂಭವಿಸುವುದಿಲ್ಲ.
ಕೆಲವರ ಉದ್ಯೋಗವನ್ನು ಕಸಿದುಕೊಳ್ಳುವ ಸಾಧ್ಯತೆಯಿದೆ:
ಈ ಸಾಫ್ಟ್ವೇರ್ ಮಾನವ ಭಾಷೆಯನ್ನು ಅರ್ಥಮಾಡಿಕೊಳ್ಳುತ್ತದೆ ಮತ್ತು ಮನುಷ್ಯನಂತೆಯೇ ಉತ್ತರಿಸುತ್ತದೆ. ಇಂತಹ ಪರಿಸ್ಥಿತಿಯಲ್ಲಿ ಕಾಲ್ ಸೆಂಟರ್ ಕೆಲಸ ಮಾಡುವವರ ಮತ್ತು ಕಂಟೆಂಟ್ ರೈಟಿಂಗ್ ಉದ್ಯೋಗಿಗಳ ಕೆಲಸವನ್ನು ಕಸಿದುಕೊಳ್ಳಬಹುದು ಎಂಬ ಅಭಿಪ್ರಾಯವಿದೆ.
ಪ್ರಶ್ನೆಗಳಿಗೆ ತ್ವರಿತವಾಗಿ ಉತ್ತರಿಸುತ್ತದೆ
ChatGPT ಸಾಫ್ಟ್ವೇರ್ ಎಲ್ಲ ಪ್ರಶ್ನೆಗಳಿಗೂ ವೇಗವಾಗಿ ಉತ್ತರಿಸುತ್ತದೆ. ನಿಮ್ಮ ಸ್ಮಾರ್ಟ್‌ಫೋನ್‌ನಲ್ಲೂ ಇದು ಲಭ್ಯವಾಗುತ್ತದೆ. ಇದರಿಂದ ಗೂಗಲ್‌ಗೆ ಹಿಂದೇಟು ಆಗುವ ಸಾಧ್ಯತೆಗಳಿವೆ ಎಂದು ತಜ್ಞರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.
